成功喇💪成功喇💪😊😌我嘅腸腸成功咗喇🎊🎊
😽😽黑椒磨菇雞肉腸🍄🍄
🧀🧀黑椒芝士雞肉腸✌️️✌️️
一直嘗試造腸仔，左試右試，試雞試豬，差啲連羊都想試埋，最後還原基本步，信自己嘅直覺，同埋又係多得嗰個朋友鏗我頭😌😌肉質同味道都齊喇🎉🎉🎉🎉
做人真係要信自己，一直造嘅腸仔都係用溫水浸泡，出來效果相當好；有日响某谷見人將腸入得滿滿，仲「話」蒸熟唔會爆，咪信下囉！嘩！！！！爆到9彩呀😠😠😠好彩仍信自己不將腸灌漲，否則🙈🙈🙈
雞肉腸配方
有機雞扒4件、香港啡菇（磨菇腸）、軟芝士（芝士腸）
海鹽
原糖
黑胡椒碎
白胡椒粉
芥辣末
俄勒岡
迷迭香
百里香
紅椒碎
冰水
橄欖油
不溜煮食調味份量靠直覺😂😂😉
好緊要嘅筆記重點👀
1，我唔係用一部機完成架，我一共用了兩部，廚師機連絞肉器同打拌機，係呀！我冇老作，你冇聽錯，係兩部機絞同打肉，所以最後洗餐死架
2，要造「熱狗腸」一定用雞肉，豬肉我攪佢唔掂，過三四次絞肉機都係鞋烚烚
3**，雞肉清洗及切好，皮肉要分開，切去筋及多餘油脂，再放入冰箱（freezer）雪到半硬，係，係半硬，唔可以變石頭，呢點好重要
4，絞肉機過兩次，動作要靈敏，然後放入打拌器容器中，加入調味，開始打（攪拌），其間加入冰水（唔好問我點解，唔好問我加咗幾多，要𥄫到實邊得閒理份量），打勻後加油（以我平日用油量計，今次係好倒得好狼死），打到起膠
我部打拌機已經係 Bosch 750w 嘅單棍式打拌棍，都被攪到過熱停機，可想而知pat肉起膠後張力有幾勁。
5，灌腸不可灌得滿滿，最多7成滿好勒，如果唔係真係爆到阿媽都唔認得，每截大約以10吋分，因煮嘅過程會收縮，你哋見未熟前，腸有一個橫盤咁長，但煮好只得翻6至7成咋。
6，煮前要喪拮針，我用不銹鋼叉燒針，有些人會用家政縫衣針🙄🙄個人認為唔係咁好，不過唔詳細講解勒
～～～～～～報告完畢～～～～～～～
Search